Foi unha tarde inesquecíbel. En grande o pasaron os maiores da residencia do Concello de Ordes coa chegada do Nadal ás súas instalacións. Os encargados de facelo notar foron os alumnos e alumnas de quinto e sexto de primaria do CEIP Campomaior, que lles ofreceron un recital de panxoliñas no que en moitos momentos participaron con palmas os usuarios, usuarias e traballadores. É máis! Moitos e moitas aprobeitaron para botar máis dunha baila, sobre todo cando chegou o momento dos pasodobres. Ademais dos rapaces e rapazas á festa tamén se uniron un grupo de acordeonistas, os cales foron moi aplaudidos por todos.
